(Аймақтар үшін)193
(Алматы қ. үшін) 2 581 500
Call-орталыққа тегін хабарласыңыздар

​Балаларды оқыту мен дамытудағы телевидениенің ролі

Бүгінгі таңда балалар ақпараттық технологияның белсенді қолданушылары: олар сөйлеу, жазуды теледидар, мультимедиялық бағдарламалар мен гаджеттер арқылы оқуды үйренеді. Ата-аналар баланы тәрбиелеу мен дамытуда әртүрлі IT-технологияларды белсенді пайдалануда. Балаларды оқыту процесінде телевидениенің пайдасы өте зор. Коронавирус пандемиясына байланысты жарияланған карантин кезеңінде ТВ білім беру функциясы ерекше өзектілікке ие болды. 2020 жылдың наурыз айында қазақстандық оқушылар қашықтан білім алуға көшті, әріүйде отырып білім алудың қосымша шарасы ретінде отандық «Балапан» және «Ел арна» телеарналарында бейне-сабақтар берілді.

Осы жаңа оқу жылы оқушылар үшін теледидар сабақтарынан басталды, олар жұмыс күндері таңғы сағат тоғыздан кешкі алтыға дейін қазақ және орыс тілдерінде көрсетіледі. Дүйсенбіден жұмаға дейін еліміздің үздік педагогтары оқытудың жаңа технологияларын қолдана отырып, 1-11 сынып оқушылары үшін теледидар экранынан сабақтар жүргізеді.

Білім Министрлігінің «Телемектеп» жобасы балаларға карантин кезеңінде оқуын жалғастыруға мүмкіндік береді. «Қазтелерадио» АҚ телевизиялық сигнал еліміздің әр бұрышына, әсіресе интернеті жоқ елді мекендерге дейін жетуі туралы қамқорлық жасайды, сол арқылы барлық қазақстандық оқушыларға қашықтан оқуды қолжетімді етеді. Телехабар тарату сапасын одан әрі жақсарту үшін «Қазтелерадио» ұлттық операторы аналогтық телехабар тарату желісін цифрлық форматқа көшіру бойынша жұмыс жүргізуде. Яғни балалар «Балапан», «Ел арна» телеарналарынан бейне сабақтарды кедергісіз, бейне мен дыбыстың жоғары сапасымен көре алады, бұл мектеп оқушыларының алған біліміне оң әсер етеді. Айта кетерлік жәйт, цифрлық телевизия халыққа тегін – абоненттік төлемсіз ұсынылады.

Телевизиялық сабақтар өзінің тиімділігін дәлелдеді: 10 минут ішінде оқытушы оқытудың интерактивті әдістерін жеңіл және қол жетімді түрде қолдана отырып, сабақ тақырыбының негізгі мазмұнын баяндайды. Жасыратыны жоқ, қазіргі балалар ақпараттық технологиялар арқылы ақпаратты тезірек және жақсы қабылдайды. Телевизиялық сабақтар оқушыларға оқу бағдарламасынан қалып қоймауға және онлайн-форматта жаңа білім алуға мүмкіндік береді. Сонымен қатар, қашықтан оқыту оқушылардың ақпаратты өз бетінше іздеу және талдау дағдыларын дамытуға ықпал етеді.

«Ел арна» және «Балапан» телеарналарында көрсетілетін бейне-сабақтарға оқушылардың ғана емес, олардың ата-аналарының да оң пікірі беріледі. Бірі қызықты ақпарат беруді айтса, басқасы – нақты материалды, үшіншісі - қалыптасқан жағдайда қашықтықтан білім беру технологиясының артықшылықтарын атап өтеді.

Балалардың дамуына басқа да теледидарлық бағдарламалар көмектеседі: балаларға арналған білім беру бағдарламалары, интерактивті ойындар, оқыту мультфильмдері және басқалар. Кейбір балалар шет тілдерін үйренеді, ал кішкентай балалар әлем туралы жаңа білім алады. Олар сүйікті мультфильм кейіпкерлерінің көмегімен сөйлеу, ән айту мен билеуді үйренеді. Сондай-ақ, кейбір мұғалімдердің айтуынша, телевизия балалардың бойында көп міндеттерді дамытады. Әдетте, бала теледидарды көргенде, кейде бір уақытта бірнеше әрекет жасайды: тамақ ішеді, ойнайды және бір уақытта экранға қарайды. Әрекеттерді осылай біріктіргенде көп міндеттер қалыптасады. Сонымен қатар, бала жан-жақтан түсіп жатқан көп ақпараттың ішінен ең бастысын оқшаулауды үйренеді, қажет емес нәрсе оның назарынан тыс қалады.

Осылайша, бүгінгі таңда телевизия жаңа білім, дағды мен шеберлік алуға және балаларды тез құбылмалы әлемде жүруге үйретудің негізгі көздерінің бірі болып қала береді. Ал телерадио хабарларын тарату саласындағы «Қазтелерадио» АҚ ұлттық операторы халыққа көрсетілетін қызметтердің сапасын жақсарту үшін барлығын жасауда.